Milani do të ndjekë gjatë sezonin futbollistin francez të Real Betisit Nabil Fekir. “Djalli” i propozoi gjatë verës klubit andaluzian të transferonte në formë huazimi mesfushorin me tipare sulmuese, por Betis kërkoi të paktën 50 milionë euro për Fekir.
Drejtuesit kuqezi ofruan opsionin huazim me të drejtë blerjeje në fund të edicionit, por sërish pala spanjolle hodhi poshtë gjithçka duke pranuar si kusht të panegociueshëm shitjen për 50 milionë euro.
Por, pavarësisht dështimit për ta marrë ish-futbollistin e Lionit në verë, Maldini dhe Masara do ta ndjekin futbollistin deri në fund të sezonit për të parë nëse ia vlen vërtet të shpenzojnë një shumë të konsiderueshme për Fekir, i cili kërkohej dhe nga Liverpuli e Real Madridi.
