Prej 24 orësh, Lewis Hamilton është piloti me më shumë fitore në historinë e Formula 1: 92 të tilla, duke lënë pas legjendën Michael Schumacher, me 91 fitore. Dhe ky rekord mund të përmirësohet më tej, teksa piloti britanik i Mercedes konsiderohet si favorit edhe për garat e ardhshme.
“Do të më duhet kohë për të kuptuar se çfarë kam arritur. Për momentin dua vetëm të garoj dhe të fitoj, siç kam bërë deri më tani. Fitorja e fundit në Portugali është diçka që ende nuk arrij ta kuptoj për rëndësinë e saj në historinë e këtij sporti”, tha Lewis Hamilton
“Kur erdha te Mercedes nuk e kisha imagjinuar se do të arrija deri këtu. Punojmë të gjithë së bashku në të njëjtin drejtim. Asnjë nuk ndalet në asnjë moment. Ky është çelësi i suksesit, të gjithë punojmë për një makinë fituese dhe unë bëj detyrën time”, tha Hamilton.
