Te Liverpuli ka shpresa që mesfushori Fabinjo të kthehet pas ndeshjeve të kombëtares së Brazilit. Federata Brazilian e Futbollit bëri me dije nëpërmjet një komunikate për shtyp se lojtari i kampionëve të Anglisë nuk është grumbulluar ndeshjet e datave 14, 18 nëntor kundër Venezuelës dhe Uruguajit.
Klubi britanik ende nuk ka dhënë një përgjigje përfundimtare për afatin e zgjatjes së rikuperimit të Fabinjos, por sipas llogarive ai humbet 3 ndeshjet e radhës së të kuqve përpara se kombëtaret të kthehen në aktivitet (31 tetor me Uest Hemin në kampionat, 3 nëntor me Atalantën në Ligën e Kampioneve dhe 8 nëntor me Mançester Sitin në kampionat).
Brazili ka grumbulluar në vend të Fabinjos lojtarin e Evertonit Alan.
27-vjeçari u dëmtua në takimin e së martës në Ligën e Kampioneve kundër Midtjilandit ku pësoi tërheqje muskulare. Për shkak të mungesave në mbrojtje të Zhoel Matip dhe Virxhil Van Dajkut të dëmtuar, trajneri Jurgen Klop e aktivizoi Fabinjon si qendërmbrojtës, por dhe ky “arnim” u prish shpejt.
