Manchester United nuk po kalon një moment të mirë.
Humbja e pësuar në kampionat kundër Arsenal-it dhe disfata e papritur në Champions League kundër Basaksehir kanë lënë shenjë dhe drejtuesit e klubit duket se kanë patur një kontakt të parë me Mauricio Pochettino-n për një zëvendësim të mundshëm të Ole Gunnar Solskjaer.
Djajtë e Kuq nuk janë në favor të shkarkimit për momentin, por duket se ndeshja e ardhshme në kampionat kundër Everton-it të Ancelotti mund të jetë vendimtare.
Një humbje e mundshme do të rrezikonte ta linte skuadrën në vendet e fundit të renditjes dhe të bindte drejtuesit që ta zëvendësonin norvegjezin me Pochettino-n.
