Real Madridi po përballet me pasojat e krizës ekonomike, ashtu si klubet e tjera për shkak të COVID-19. Kampionët e Spanjës nuk bënë merkato dhe u kërkuan lojtarëve të ulnin pagat.
Kërkesa e para u pranua nga ana e tyre, por në krahun tjetër, sipas asaj që shkruan ESPN nuk është e mjaftueshme. Klubi po përballet me humbje dhe do të jetë i detyruar që t’u kërkojë lojtarëve sërish një ulje rrogash.
Në prill u ulën rrogat e lojtarëve nga 10-20%, ndërsa lojtarët hoqën dorë dhe nga bonuset e tyre për fitimin e kampionatit. Këto masa të marra shpëtuan një pjesë të punëtorëve të klubit, por duket se situata është sërish problematike.
Reali po humbet nga 3-4 milionë euro për ndeshjet që luhen në shtëpi dhe kjo ka ndikuar shumë negativisht te buxheti i ekipit. Drejtuesit janë të detyruar t’i bëjnë kërkesë drejtuesve.
