Havier Maskerano është tërhequr nga futbolli. Ish-futbollisti i Liverpulit, Barcelonës dhe Argjentinës ka vendosur t’i varë “këpucët në gozhdë” në moshën 36-vjeçare.
Pas një karrierë të gjatë të mbushur me suksese, ish-mesfushori bardhekaltër ka marrë vendimin përfundimtar që të mos jetë më futbollist.
“E kam jetuar profesionin tim 100% në maksimum. Ndonjëherë nuk e zgjedh ti fundin, por vjen vetë”, deklaroi Maskerano.
Maskerano arriti kulmin e karrierës me Barcelonën duke fituar 5 tituj kampionë dhe dy herë Ligën e Kampioneve. Ndërsa me Argjentinën, ai është futbollisti me më shumë paraqitje.