E ardhmja e Paulo Dibalës te Juventusi sa vjen dhe zbehet. Minutazh i pakët me Pirlon, dëmtim, krisje për çështjen e rinovimit kanë përforcuar idenë se argjentinasi nuk do të qëndrojë më në Torino. Madje, në media ka qarkulluar së fundmi një thashethem se “Zonja e Vjetër” po planifikon të gjejë zëvendësuesin e numrit 10 të Juventusit.
Bëhet fjalë për lojtarin e Ulvëruemptonit Adama Traore. Media spanjolle “Don Balon” shkruan se Juventusi po e ndjek lojtarin e klubit anlgez dhe mund të shpenzojë 60 milionë euro për ta blerë lojtarin.
Megjithatë, deri në fund të sezonit, ka ende shumë gjëra për të mësuar rreth së ardhmes së Dibalës.