Dhjetë milionë lekë të vjetër janë shpërndarë nga presidenca e Vllaznisë për fitoren e skuadrës së tyre në klasiken me Tiranën. Edhe pse sponsori Xhaferi kishte deklaruar se do të shpërndante 6 milionë lekë premio në fund është vendosur që të shpërndahen 10 milionë lekë premio.
Kuqeblutë ia dolën që të fitonin 3-2 në sfidën me Tiranën. Skuadra e Vllaznisë për herë të parë pas shumë vitesh e sheh veten në krye me nëntë pikë të plota në tre javë kampionat.
Paçka se duhen edhe 33 javë, kuqeblutë ëndërrojnë që të sjellin në Shkodër titullin e 10-të kampion. Një titull që mungon prej 2001-it.
