Pas provave të PCR-së, të kryera këtë të martë, lojtari i ekipit të parë të Barcelonës, Sergi Roberto, ka dalë pozitiv për Covid-19. Futbollisti është në gjendje të mirë shëndetësore dhe i izoluar në shtëpi, pas shërimit nga dëmtimi që ndodhi më 21 nëntor.
Klubi ka informuar autoritetet kompetente të sportit dhe shëndetit. Përveç kësaj, të gjithë njerëzit që kishin kontakte me lojtarin janë gjurmuar për të kryer testet përkatëse PCR. Duhet të mbahet mend se Roberto pësoi një lëndim në kofshën e djathtë, në fund të ndeshjes ndaj Atlético Madrid (1-0), një dëmtim për të cilin do të jetë larg fushave për rreth dy muaj.
