Të dielën do të publikohet e plotë intervista që Lionel Mesi ka dhënë për gazetarin katalanas Hordi Evole, por ky i fundit ka dashur të ndajë disa fragmente në “Carrusel Deportivon”. Ai thotë se Leo Mesi i kishte treguar shumë gjëra përtej intervistës, madje kishte folur edhe për të ardhmen e tij.
Hordi Evole nuk donte që të jepte shumë informacione, por tha se në bisedë u përmend edhe Interi. Mbetet për t’u parë nëse bëhet fjalë për Interin e Milanos, apo Inter Majemin. Këta të fundit janë një nga skuadrat që duan shërbimet e kapitenit të Barcelonës, por gjithçka do të vendoset në të ardhmen. “Inter Majemi? Je shumë i zgjuar…”, ka thënë Evole gjatë prononcimit të tij për një tjetër emision.
