Vllaznia kryesuese pret në “Loro Boriçi” ditën e sotme Skënderbeun, në ndeshjen e vlefshme për javën e 11-të.
Shkodranët do të kërkojnë të vazhdojnë serinë e rezultateve pozitive, duke parë edhe kundërshtarin që kanë përballë, të cilët nuk janë si dikur, me atë skuadrën e frikshme. Diferenca mes Vllaznisë kryesuese dhe Skënderbeut në tabelën e klasifikimit pas 10 javësh kampionat është e frikshme.
Shkodranët kanë 16 pikë më tepër se korçarët, të cilët pozicionohen të 9-ët. Fitorja e fundit e kuqebluve ndaj Skënderbeut është pikërisht në javën e dytë të këtij kampionati me shifrat 0-2 në Korçë, ku shënuan sulmuesi boshnjak, Haris Dilaver, si dhe braziliani Viktor da Silva. Pritet një ndeshje e luftuar nga të dyja ekipet, që do të kërkojnë të marrin maksimumin nga sfida e sotme:
LIVE: VLLAZNIA-SKËNDERBEU 5-1
FT: VLLAZNIA-SKËNDERBEU 5-1
Imeri 1′, Ardit Hoxhaj 35′, 42′, 53′, 60′ / Mensah 62′
KOMENTI LIVE:
Përfundon takimi.
90′ Akordohen 2 minuta shtesë.
79′ Zëvendësim i pestë te Skënderbeu, largohet nga fusha Taipi, vendin e tij e merr Shabani.
77′ Brdariç hedh në fushë edhe Shehin, i cili zë vendin e Isaevskit.
71′ Tjetër zëvendësim te Skënderbeu, largohet Mensah në fushë Tereziu.
69′ Zëvendësim te Vllaznia, largohet autori i “pokerit” Ardit Hoxhaj, vendin e tij e merr Çoba.
62′ GOOOOL SKËNDERBEU 5-1/ Zgjohetn korçarët. Alfred Mensah realizon me gjoks pas një harkimi nga e majta. Një gol nderi ky për skuadrën e Ahmatajt.
60′ GOOOOL VLLAZNIA 5-0/ Tjetër gafë në mbrojtjen e Skënderbeut. Ardit Hoxhaj shënon sërish. Goli i katër personal për sulmuesin vlonjat, që do ta mbajë mend gjatë këtë përballje.
58′ Një tjetër zëvendësim te Vllaznia, largohet edhe Imeri, vendin e tij e merr Behar Ramadani.
57′ Brdariç kryen 2 zëvendësime, largohet Marku dhe Jonuzi, vendin e tyre e marrin Kruja dhe Kalaja.
53′ GOOOOL VLLAZNIA 4-0/ Shkërmoqet skuadra e Ahmajt. Shkodranët shënojnë edhe të katërtin. Sërish Ardit Hoxhaj, i cili realizon tripletë personale në këtë sfidë.
48′ Pranë golit të katërt Vllaznia dhe të tretit personal për Ardit Hoxhajn. Sulmuesi vlonjat depërtoi bukur brenda zonës, por gjuajtja e tij u ndal nga Dumfur në momentet e fundit.
46′ Starton pjesa e dyta, Skënderbeu kryen 2 zëvendësime. Largohet Duvuna dhe Govori, në vendin e tyre Rrapaj dhe Berisha.
Mbyllet pjesa e parë.
45′ Akordohet 1 minutë shtesë.
42′ GOOOOL VLLAZNIA 3-0/ Sërish Ardit Hoxhaj. Vlonjati shënon dopietë personale përballë ish-skuadrës së tij. Pas një harkimi nga këndi, Hoxhaj godet saktë me kokë duke trefishuar rezultatin.
35′ GOOOOL VLLAZNIA 2-0/ Shkodranët dyfishojnë shifrat. Për gjyqtarin gjuajtja e Ardit Hoxhajt e kaloi vijë fatale. Futbollisti vlonjat ndëshkon ish-skuadrën e tij. Pas një rrëmuje në zonën e korçarëve, topi fillimisht u grumbullua nga Dajsinani, më pas provoi Hoxhaj, i cili dyfishoi rezultatin.
30′ Herald Marku lëshon një predhë me të majtën nga jashtë zonës, topi shkon ngjitur me shtyllën e djathtë pingule.
24′ Rast i artë për Vllazninë me Dilaver. Sulmuesi futet brenda zonës, provon me një gjuajtje të rrezikshme, por tentativa e tij grushtohet mjaft bukur nga Dajsinani.
22′ Reagon Skënderbeu. Pas një harkimi nga e majta, Mensah, provon me kokë, por tentativa e tij shkon drejt e në duart e portierit Zogoviç.
17′ Herald Marku ndëshkohet me karton të verdhë për ndërhyrje të gabuar ndaj Taipit.
15′ Zëvendësim i detyruar te Skënderbeu, Ditmar Bicaj largohet me barrelë nga fusha për shkak të një dëmtimi, vendin e tij e merr Kosta Vangjeli.
10′ Marku provon me të majtën nga distanca, gjuajtja e tij shkon jashtë kuadratit.
1′ GOOOOOL VLLAZNIA 1-0/ Gol nga tuneli. Demir Imeri ndëshkon korçarët. Pas një gabimi në mbrojtjen e Skënderbeu nga ana e Govirit, mesfushori Imeri nuk ka falur, duke tundur rrjetën e Dajsinanit në sekondën e 37-të.
1′ Ka nisur sfida në “Loro Boriçi”.
