Këngëtarja e famshme italiane Rafaela Carra, në një intervistë të dhënë për të përjavshmen italiane “Sette” ka bërë plot batuta për Maradonën, i cili u nda nga jeta më 25 nëntor, duke kujtuar miqësinë e tyre speciale.
“Ai ishte një mashtrues, por shumë bujar, i aftë për hapa të jashtëzakonshme, pavarësisht jetës së tij të rrezikshme, midis drogës dhe alkooli”, deklaron ndër të tjera këngëtarja, teksa më pas nuk nguron të tregojë një histori interesante me legjendën argjentinase, kur ai shkoi te shtëpia e saj.
HISTORIA E KËNGËTARES ME MARADONËN
“Një mbrëmje në 2001 ai erdhi për darkë në shtëpinë time, në Romë, ishte me Minën. Unë duhej të prezantoja Sanremon dhe Diego më tha: “Dua të prezantoj Sanremo me ty”.
Unë iu përgjigja: ‘Diego, në këtë moment ju kanë ndaluar në aeroporti sepse keni probleme me Agjencinë e të Ardhurave në Itali dhe doni të shkoni në Sanremo? “Dhe ai u përgjigj si një fëmijë” Me të vërtetë? Por, nuk ishte faji im! Ai u largua si një qen i rrahur.
Tani për fat të keq, telenovela e trashëgimtarëve, do të fillojë. Por unë them, njeri i bekuar, nuk mund ta përdorësh prezervativin? Fëmijët e paligjshëm vazhdojnë të dalin. Çfarë kali i çmendur ishte Diego, por racë e pastër. E pastër”, përfundon Rafaela Carrà.
Maradona, zyrtarisht njihet si babai i 5 fëmijëve, por janë edhe 6 të tjerë që pretendojnë atësinë e legjendës argjentinase.
