Karim Benzema ka dëshirë të kthehet te Lyon.
Këtë e ka konfirmuar Karim Djaziri, ish -menaxheri i sulmuesit të Real Madrid, në një intervistë të dhënë për Inside Gones:
“Besoj se do ta bëjë. Më flet vazhdimisht për Lyon-in dhe i shikon të gjitha ndeshjes. Ndër të tjera, nuk ka qenë kurrë në Groupama Stadium’, ka thënë Djaziri.
“Kjo është ajo që dëshiron dhe Lyon-in e ka në zemër. Natyrisht ka dyshime nëse duhet të largohet nga klubi më i mirë në botë dhe të kthehet në shtëpi, por është një çështje kohe”.
“Ëndërron të kthehet te Lyon dhe të bëjë gjëra të mëdha. Mbajtja e shiritit të kapitenit me të rinjtë mund të jetë magjike”.
Kontrata e sulmuesit francez skadon në qershorin e vitit 2022.
