Deportivo La Coruna e ka transferuar edhe zyrtarisht ish-mesfushorin e Interit dhe Milanit, Sulley Muntarin, deri në fund të këtij sezoni.
Lajmi është bërë i ditur nga Deportivo përmes një komunikate në uebsajtin e saj, transmeton Express.
Muntari është transferuar te klubi spanjoll si transfer i lirë, pasi kishte mbetur pa klub që prej largimit nga Pescara verën e kaluar.
Mesfushori 33-vjeçar ribashkohet kështu me Clarence Seedorfin, me të cilën ka luajtur futboll dhe është trajnuar në Milan nga 2012 deri më 2014.
