Koronavirusi mbërrin në shtëpinë e skuadrës së Monzës, ku COVID-19 nuk kursen as Adriano Galianin. Ish-administratori i deleguar i Milanit, aktualisht tek klubi i Monzës e cila militon në Serinë B italiane, ka rezultuar pozitiv me koronavirus nga ku është asimptomatik dhe nuk ka patur asnjë kontakt me skuadrën.
Këtë lajm e ka bërë me dije vetë klubi nga Brianca me anë të një komunikate në sajtin e saj zyrtar, ku ka deklaruar se Galiani është vetë-karantinuar menjëherë.
KOMUNIKATA ZYRTARE E KLUBIT TË MONZËS –
“Klubi i Monzës komunikon se Adriano Galiani ka rezultuar pozitiv me COVID-19 gjatë ekzaminimeve të testit me tampon. Administratori i klubit tonë është vetë-izoluar në banesën e tij.”
Adriano Galliani positivo al Covid-19..https://t.co/LZTQ5P85jH pic.twitter.com/gEYXQVWwb8
— AC Monza (@ACMonza) February 26, 2021
