Kapiteni i Portos, Pepe zbuloi së fundmi detaje të pazakonta nga jeta e tij. Ish-mbrojtësi i Real Madridit tregoi për “Tribuna Expresso” se ka qenë një fëmijë i përkëdhelur, madje ka fjetur me prindërit deri në moshën 17-vjeçare, moment kur erdhi në Portguali.
Ndërkohë, Pepe tregoi se ka rruajtur kokën për herë të parë në moshën 8-vjeçare. Edhe pse e ëma e paralajmëroi se babai do ta ndëshkonte, i ati i tij e përgëzoi.
“Sa i përkëdhelur kam qenë? Deri në momentin që kam ardhur në Portugali në moshën 17-vjeçare, kam fjetur me nënën time. Isha i rritur dhe flija me prindërit e mi, kështu që ma do mendja se babait tim nuk i ka pëlqyer që flija shpesh me ta.
Hera e parë që rruajta kokën? Isha 8 vjeç. Shkova te beriberi dhe i kërkova të më bënte një stil qethjeje ushtarak. Shkova në shtëpi dhe mamaja më tha: ‘Perëndi, çfarë ke bërë?! Babai do të të vrasë’. Kur erdhi babai më tha se isha qethur si burrë. Jam rritur si njeri kur lindën vajzat e mia”, rrëfen Pepe.
