Ish-sulmuesi i Tiranës dhe Flamurtarit, Gilberto Fortunato, është larguar nga Drita e Kosovës, teksa do të vazhdojë karrierën në Indonezi.
Futbollisti 33-vjeçar është zyrtarizuar te skuadra nga Indonezia, Hugang Junajtid. Braziliani largohet kështu nga Europa për të vazhduar karrierën në Azinë e largët. Gilberto është mjaft i njohur në Shqipëri, pasi ka luajtur për Flamurtarin në vitin 2015 dhe me Tiranën në vitet 2014 dhe 2016.
Braziliani mbahet mend gjatë nga tifozët bardheblu, pasi me golin e tij në shkurt të vitit 2014, i dha fitoren Tiranës në derbi ndaj Partizanit. Nga ajo kohë Tirana nuk njihte më fitore në derbi, deri sezonin e kaluar, kur triumfuan dy herë ndaj të kuqve.
