Pierre-Emerick Aubameyang është lënë jashtë formacionit titullar për arsye disiplinore. Lajmi është dhënë nga trajneri i Topçinjve, Mikel Arteta.
Sulmuesi është lënë në stol për derbin e Londrës Veriore kundër Tottenham-it.
Aubameyang, 31 vjeç, ka shënuar 14 gola në 29 ndeshje të luajtura në këtë sezon.
“Ai do të ishte titullar. Kishim një problem disiplinor, duhet të merrnim një vendim. Ai do të jetë në stol”, ka thënë Arteta për Sky Sports.
Formacionet zyrtare
Arsenal (4-2-3-1): Leno; Soares, Luiz, Gabriel, Tierney; Xhaka, Thomas; Sak, Odegaard, Smith Rowe; Lacazette.
Tottenham (4-2-3-1): Lloris; Reguillon, Alderweireld, Sanchez, Doherty; Hojbjerg, Ndombele; Son, Lucas, Bale; Kane.
