Lojtari me origjinë shqiptare, Ezgjan Alioski, pritet të ndryshojë skuadër sezonit e ardhshëm, teksa po flitet për një transferim të tij tek kampionët e Turqisë, Galatasarai.
Momentalisht Alioski luan për skuadrën e Lidsit në Premier Ligën angleze, por nuk po gjen shumë hapësira këtë sezon, ndërsa një sezon më parë ishte një ndër lojtarët thelbësorë duke ndihmuar ekipin e tij të ngjitet në Premier Ligë.
Lajmi është bërë publik nga “Fotball Insider”, ku thuhet se palët kanë shkuar edhe më tej duke nënshkruar një kontratë paraprake për transferimin e 29-vjeçarit tek turqit. Ezgjan Alioski është shqiptar nga Maqedonia dhe prej 8 vitesh është pjesë e përfaqësueses maqedonase.
