Shiriti i kapitenit të Portugalisë, Kristiano Ronaldo, të cilin sulmuesi e flaku i zemëruar në fushë në fundin e ndeshjes Serbi-Portugali në Beograd, pasi nuk iu akordua një gol i rregullt, është shitur të premten në ankand për shifrën e 64 mijë eurove.
Të ardhurat që do të shkojnë për bamirësi, për të paguar kurat mjekësore të një fëmije serb 6 muajsh, i cili është prekur nga atrofia muskulore e shtyllës kurrizore. “Sapo u mbyll ankandi me shifrën e shkëlqyer të 7.5 milionë dinarëve për shitjen e shirit të kapitenit Kristiano Ronaldo për qëllime humanitare”, njoftoi në “Twitter” Jovan Simiç, themeluesi i organizatës
“Së Bashku për Jetën”, që u vjen në ndihmë fëmijëve me probleme të rënda shëndetësore. Ai falënderoi zjarrfikësin Xhorxhe Vukiçeviç, i cili mori shiritin e CR7 nga stadiumi pas ndeshjes dhe ia ofroi organizatës së tij.
