Muajin e kaluar, u zbulua se klubi i Lacios kishte tentuar të mashtronte me përgjigjet e testeve të tamponëve, në mënyrë që të kishte grupin e plotë përpara sfidës me Torinon në nëntor të vitit të kaluar.
Në këtë mashtrim dyshohej se ishte përfshirë dhe portieri shqiptar, Tomas Strakosha, i cili vetëm disa ditë pas ndeshjes ndaj Torinos doli pozitiv me Covid-19. Për këtë rast, Prokuroria federale italiane i ka kërkuar dy lojtarëve të Lacios, Strakoshës dhe Imobiles që të kryejnë një test ADN-je në prag të gjyqit i cili do të zhvillohet në datën 30 prill.
Ndërkohë më herët këtë test ADN-je e ka bërë dhe mesfushori tjetër Lukas Leiva , i cili është gjithashtu i përfshirë në hetime. Prokuroria ka kërkuar dënim maksimal për ekipin lacial, teksa gjithçka do të zbulohet në ditët në vazhdim.
