Egnatia mori një fitore shumë të rëndësishme ditën e sotme, teksa mposhti me rezultatin 2-1 Tomorin, duke u shkëputur me 7 pikë diferencë në krye, nga ndjekësit.
Me këtë rezultat të skuadrës, tashmë Superiorja për Egnatian është më afër se kurrë. Kjo ecuri dhe arritje e skuadrës, ka shtuar entuziazmin edhe te tifozët. Këta të fundit të lumtur nga fitorja e skuadrës së tyre, të grumbulluar me njëri-tjetrin kanë ndalur autobusin e ekipit dhe kanë kënduar në kor për ta.
Mjaft të emocionuar janë tifozët rrogozhinas, të cilët tashmë kanë filluar të ëndërrojnë për skuadrën e tyre në Superiore.
