Janë luajtur ditën e sotme 3 sfidat e vlefshme për javën e 23-të të Kategorisë Superiore U21.
Kukësi mori një fitore te thellë 0-5 ndaj Football Republic duke forcuar pozitat në vendin e katërt në kuotën e 36 pikëve.
Laçi mposhti 0-2 në transfertë Akademinë e Futbollit, me dy gola të shënuar në frymën e fundit nga Çekolli dhe Kodra. Kurbinasit mbajnë vendin e 3-të dhe ruajnë hapin e Vllaznisë dhe Bylisit.
Në sfidën tjetër Dinamo mposhti në shtëpi 2-1 Apoloninë, duke u renditur në vendin e 8-të me 29 pikë ndërsa Apolonia në vendin e 10-të më 3 pikë më pak se kryeqytetasit.
REZULTATET
Dinamo-Apolonia 2-1
Shënues: Hidri 5′, Osmanaj 51′ / Zijaj 23′
Football Republic-Kukësi 0-5
Shënues: Tabaku 6′, Skura (aut.) 12′, Merko 20′, Balla 42′, Shpuza 91′
Akademia e Futbollit-Laçi 0-2
Shënues: Çekolli 85′, Kodra 91′
