Tek Juventusi çdo gjë ka dalë jashtë kontrollit. Nga lojtarët tek Pirlo dhe nga Nedved tek drejtori sportiv Paratiçi. Sipas asaj që raporton e përditshmja sportive italiane “La Gazzetta dello Sport”, dy drejtuesit janë ndarë në dy mendime të ndryshme për ta mbajtur ose jo Pirlon si trajner të Juventusit.
E gjitha ka nisur si datë në 21 mars ku Juventusi humbi në “Allianz Stadium” 0-1 ndaj Beneventos, dhe u bë më e fortë pas humbjes turpëruese kundërt Milanit në shtëpi me rezultatin 0-3.
Paratiçi kërkon shkarkimin e menjershëm të teknikut italian, ndërsa Nedved kërkon t’i jepet besim dhe të vazhdojnë me projektin e tyre.
Në shtëpinë bardhezi gjithçka ka dalë jashtë kontrollit nga Champions-i që sot më shumë se kurrë ndihet i rrezikuar tek çështja e trajnerit që ende nuk është zgjidhur edhe pse në Serinë A italiane kanë mbetur vetëm tre ndeshje për tu luajtur nga fundi i kampionatit.
