Robert Lewandowski, pasi ka fituar kampionatin me Bayern Munich dhe ka thyer rekordin e Gerd Muller me 41 golat e tij në një sezon të vetëm të Bundesliga-s, ëndërron të dominojë edhe në Europian me Poloninë.
“Objektivat tanë në Europian? Duhet të kemi besim, mund të luftojmë për të fituar. Pas fazës me grupe, çdo ndeshje mund të ndryshojë kampionatin dhe të na japë besimin e duhur për të luftuar për objektivat e rëndësishëm”, ka shtuar polaku.
Kujtojmë se Polonia bën pjesë në një grup më Spanjën, Sllovakinë dhe Suedinë dhe duket se do të luftojë për vendin e dytë mbrapa Furive të Kuqe.
