Valentino Rossi përgatitet për garën e radhës në botërorin e MotoGP, ku do të garohet në pistën e Barcelonës. Një pistë e dashur për 42-vjeçarin italian, ku ka triumfuar 8 herë në karrierën e tij (6 herë në MotoGP).
“Kjo është një nga pistat e mia të preferuara, argëtohem gjithnjë. Kujtimet e mira më bëjnë optimist për garën që do të zhvillojmë këtu në Katalunja, pasi jemi përmirësuar disi në garën e fundit në Mugello”, tha Rossi.
“Në garën e fundit bëra disa parakalime dhe hyra në “top-10”. Po përmirësohemi edhe pse synojmë më shumë, gjë që do ta kërkojmë në Barcelonë me shpresën që të arrijmë diçka më shumë”, tha Rossi.
