Largimi i Gatuzos nga stoli i Fiorentinës ka bërë që drejtuesit violë të hidhen menjëherë në sulm për të gjetur zëvendësuesin.
Emri më i ri që ka dal në skenë është ai i Vinçenzo Italiano i cili aktualisht drejton Specian ku luan mbrojtësi i Kombëtares, Ardian Ismajli. Por për Italianon nuk do të jetë e lehtë, pasi pak kohë më parë 43 vjeçari rinovoi me Specian dhe ka një klauzolë lirimi 1 milionë euro.
Sipas asaj që raportojnë mediat italiane, Fiorentina pritet ta paguajë klauzolën dhe të afrojë ish-mesfushorin italian në stolin e skuadrës.
Rino u largua vetëm 1 muaj pasi u zyrtarizua pas mosmarrëveshjeve me drejtuesit e klubit për merkaton e verës, ku drejtuesit pretedojnë se Gatuzo ka kërkuar të afrojë në skuadër dy futbollistë që kanë të njëjtin menaxher me të.