Lautaro Martinez, sulmuesi i Argjentinës dhe i Interit, pas fitores në çerekfinalet e Kupës së Amerikës kundër Ekuadorit dha disa deklarata të përcjella nga portali spanjoll “AS”:
“Pamë një Argjentinë protagoniste. Me klasin e futbollistëve tanë mund të bëjmë diferencën dhe kjo është gjithmonë diçka pozitive.
Jemi edhe një skuadër muskuloze, që vrapon shumë dhe japim gjithmonë një imazh të mirë. Shënimi i tre golave nuk është asnjëherë i lehtë.
Në gjysmëfinale do të kemi përballë Kolumbinë, një kundërshtare e fortë, shumë fizik, por duam të arrijmë në finale dhe jemi të bindur për cilësitë që kemi për t’ia dalë.
E dimë që kemi Mesin në skuadër dhe kjo është diçka e rëndësishme. Me Ekuadorin e pamë që Leo bën gjithmonë diferencën”.
