Në vigjilje të takimit ndaj kampionëve të Moldanivë, Sherif Tiraspol në turin e parë të Champions-it, në stadiumin “Niko Dovana”, nesër në orën 19:00, në konferencën për shtyp së bashku me trajnerin e Teutës, Edi Martini është shfaqur edhe kapiteni i durrsakëve, Renato Arapi i cili ka analizuar këtë takim:
Gjendja e skuadrës – “Mendoj se kemi pasur kohën e mjaftueshme për ta përgatitur ndeshjen, gjithashtu edhe për ta analizuar kundërshtarin. Edhe gjendja fizike është e mirë, kështu që besoj se jemi gati për ta përballuar këtë ndeshje.”
Sherif Tiraspol – “E njohim mjaftueshëm rivalin. Sigurisht është një ekip që cilësi, sidomos në repartin e sulmit. Kanë edhe ata pikat e dobëta dhe do mundohemi t’i shfrytëzojmë në maksimum. E kemi përgatitur ndeshjen siç duhet, por ka detaje që nuk mund t’i themi këtu.”
Afrimet e reja – “Jemi gati. Në ekipin tonë kemi lojtarë me eksperiencë dhe me cilësi. Edhe me ardhjen e Kallakut tani, pjesa përpara, katër lojtarët e sulmit, janë shumë cilësorë dhe mund të krijojnë diçka nga momenti në moment. Kjo na jep akoma më shumë besim”
