Elis Bakaj nuk do të jetë më pjesë e Kukësit, pasi zgjodhi të transferohej te klubi bjellorus i Shakhtor Soligorks. Klubi verilindor fo të përfitojë 120 mijë euro për shtijën e 30-vjeçarit, ndërsa aventura e tij me kampionët e Shqipërisë zgjati vetëm gjysëm sezoni.
Bakaj ishte dhe golashënuesi i Kategorisë Superiore me 12 gola, po drejtuesit e klubit verilindor janë të bindur se nuk do t’ia ndjejnë mungesën e tij. Edhe vetë sulmuesi ndan të njëjtin mendim. Në një prononcim për “Supersport” ai u shpreh:
“Nuk është se ishte diçka e papritur, sepse futbolli kështu është, sot je këtu, nesër në një vend tjetër. Besoj se është mirë, si për mua, ashtu edhe për klubin e Kukësit, sepse të shesësh një lojtar në moshën 30-vjeçare nuk është pak.
Mendoj se Kukësi nuk do ta ndjejë mungesën time, sepse ka një ekip me shumë kualitet dhe i uroj suksese në vazhdim të kampionatit. Ekipin e ri e njoh. Sezonin e kaluar e ka humbur titullin në fund, ia ka marrë Bate. Shpresoj për një aventurë të suksesshme dhe jam i lumtur për këtë lëvize”.
