Prishtina pësoi disfatë nga Ferencvaroshi duke u eliminuar kështu nga Champions-i për të vazhduar aventurën në Ligën e Konferencës.
Pas ndeshjes, trajneri i bardhebluve Zekirija Ramadani u shpreh se ishte i kënaqur me lojën e skuadrës së tij, edhe pse rezultati doli ndryshe.
‘’Nuk jemi të kënaqur, pranuam tre gola dhe sonte. Me lojën jam i kënaqur, duke pasur parasysh dhe me çfarë skuadre po luanim përballë. Mendoj se bëmë lojë të mirë, arritëm të barazonim dhe do të ishte shumë mirë të mbaronte në barazim. E dinim që kualifikimi ishte emision i pamundur, barazimi do të na ndihmonte për moralin.
Gjithsesi për këtë humbje nuk duhet të mërzitemi sepse duhet ta dimë forcën tonë, duhet të rigjenerohemi dhe t’i japim forca në Ligën e Konferencës. Kjo është një humbje me dinjitet sepse ekipi kundërshtar kalon me plot meritë. Uroj futbollistët për mundin dhe lojën që bënë sonte.
E dimë njërën nga dyja ekipe se cila do të jetë kundërshtarë, qoftë kampioni i Armenisë, qoftë i Uellsit dhe objektivi i radhës është të kalojmë në Ligën e Konferencës’’, u shpreh Ramadani.
