Kanë kaluar 26 vjet nga vdekja e një prej pilotëve më të mirë që bota e Formula 1 ka parë ndonjëherë. Në 1 maj të vitit 1994 në moshën 34 vjeçare vdiq legjenda e Brazilit, Ayrton Sena, i cili u aksidentua gjatë një garë automobilistike në pistën e San Marinos.
Ishte ora 14 e 17 minuta kur Williams FW16 i Ayrton Senna-s u përplas në kthesën e Tamburello-s në Imola, duke i shkaktuar vdekjen e menjëhershme të kampionit brazilian.
Senna po udhëtonte me një shpejtësi prej 309 km/h, kur doli nga rruga në kthesë dhe u përplas me forcë me një mur betoni.
Fillimi i majit në pistën e Imola-s do të mbahet mend si një nga fundjavat më të errëta dhe më të trishtuara në histori, jo vetëm për Formula Uno, por për sportin në përgjithësi.
Vetëm një ditë më parë piloti austriak Roland Ratzenberger, u vra në pothuajse të njëjtin vend, e njohur si kthesa e Tamburellos.
Senna, 3 herë fitues i kampionatit, ishte i njohur për stilin e tij agresiv të garimit.