Presidenti i Teutës, Edmond Hasanbelliu, ka mbetur i zhgënjyer pas humbjes 2-0 në shtëpi të Teutës kundër andorrianëve Inter D’Eskalades. Në një prononcim për “Panorama Sport” kreu i klubit durrsak tha se ende beson te kualifikimi për në turin e tretë të Ligës së Konferencës dhe se në ndeshjen e kthimit ekipi i tij duhet të japë gjithçka për t’ia dalë mbanë.
“Jam shumë i zhgënjyer – tha Hasanbelliu – Ishte një rezultat i paimagjinueshëm për ne. Jam i zhgënjyer me mbrojtjen dhe më vjen keq edhe për rastet që shpërdoruam. Megjithatë, nuk duhet të dorëzohemi. Skuadra duhet të japë gjithçka për ta përmbysur në ndeshjen e kthimit. Kemi ende shanse”, deklaroi ai ndër të tjera.