Filip Najdovski do të qëndrojë dy javë pushim, ndërsa me shumë mundësi me grupin do të bashkohet në pjesën e dytë të fazës përgatitore.
Edhe pse lojtari është në Maqedoninë e Veriut dhe priten analizat e fundit, mësohet se futbollisti nuk do të nisë në maksimum. Lojtari do të humbasë 12 ditët e para të stërvitjes dhe me shumë mundësi, do të bashkohet me grupin vetëm në pjesën e dytë të përgatitjeve.
Filipi është titullari i mbrojtjes dhe një dëmtim i rëndë i tij do të komplikonte Tiranën e sezonit të ri futbollistik. Tirana i ka mbrojtësit të kufizuar pas largimit të Vangjelit nga skuadra gjatë kësaj vere.
Najdovski në Superiore ka shënuar 2 gola në 30 ndeshje dhe 2556 minuta lojë. Mes Kupës dhe Superkupës ka luajtur 131 minuta në dy sfida.
Në Europë mbrojtësi është aktivizuar 270 minuta në tri takime.
