Notari britanik Tom Dean ka arritur vërtet mrekullinë në Lojërat Olimpike “Tokio 2020”, event ku mendonte se nuk do të shkonte. Ai fitoi medaljen e artë në garën e 200 metrave stil i lirë, ndërkohë që në janar të këtij viti ai ishte në izolim, i infektuar nga koronavirus.
“Para se të rikthesha në pishinë m’u deshën të qëndroja pushim 7-8 javë dhe asokohe, Lojërat Olimpike dukeshin sikur ishin në një planet tjetër. Ndaj, kjo medalje e artë është një fitore e jashtëzakonshme për mua”, tha 21-vjeçari britanik Tom Dean.
Notari britanik ka fituar 2 herë betejën ndaj Covid-19, pasi ai ishte infektuar herën e parë vitin e kaluar. Gjithsesi, në të dyja rastet ai ka qenë asimptomatik (u infektua dy herë brenda 4 muajve). “Të qëndrosh 8 javë pa stërvitje në një sport si ky dhe në fund të fitosh medaljen e artë ëhstë një mrekulli”, tha Tom Dean.
