Lojërat Olimpike po vazhdojnë të sjellin para tifozëve paraqitje impresionuese, e që nga to janë edhe disa të shëmtuara.
Tifozët nuk kanë mundur të shijojnë spektaklin nga afër, shkaku i COVID-19 që është rikthyer në javët e fundit.
Edhe pse ishte në dilemë se a do të mbaheshin Lojërat Olimpike në Tokio, përfundimisht u vendos që duhej të mbaheshin me një vit vonesë.
Por, kjo gjë u ka kushtuar garuesve, pasi ka një numër i madh prej tyre që janë infektuar dhe janë në vetëizolim.
Numri i personave të akredituar në Lojërat Olimpike të Tokios 2020 në Japoni, të cilët janë prekur nga koronavirus u rrit në 259.
Komiteti Organizativ njoftoi se COVID-19 u zbulua në 18 persona të tjerë që erdhën në vend si pjesë e Tokios 2020.
Në mesin e 18 të infektuarve në 24 orët e fundit gjenden edhe atletë që konkurrojnë në gara.
Të infektuarit janë vendosur në karantinë dhe janë duke marrë një përkujdesje të madh në Fshatin Olimpik, por që janë të veçuar. /Telegrafi/
