Oliver Kahn ka folur për të ardhmen e Robert Lewandowskit te skuadra e Bajernit. Numri dy i klubit gjerman tha për sulmuesin polak se nuk parashikon asnjë lëvizje.
“Robert Levandovski nuk është në shitje dhe për këtë arsye ai do të vazhdojë të jetë një lojtar i rëndësishëm i Bajernit. Me të duam të fitojmë dhe në sezonin që vjen.
Ai është shumë i rëndësishëm për ne. Nuk na ka shfaqur asnjë kërkesë largimi dhe ndaj është e kotë që të vazhdojmë të flasim për këtë temë”, tha Kahn gjatë një takimi me mediat në qendrën stërvitore të skuadrës bavareze.
Zërat për një kalim të Levës te Çelsi u shuan pasi këta të fundit kanë arritur akordin me sulmuesin e Interit, Romelu Lukaku i cili do të jetë pjesë e bluve të Londrës për sezonin e ri.
