Memphis Depay ishte një nga protagonistët kryesor të Barcelonës në ndeshjet e fazës përgatitore, pavarësisht se kishte mbërritur disa javë më parë.
Në një intervistë për “El Periodico”, sulmuesi holandez tregoi për pritjen që i është bërë në Katalonjë, si dhe për zhgënjimin që nuk arriti të takonte Lionel Messin: “T ë gjithë ishin shumë të sjellshëm dhe ma bënë adaptimin më të lehtë. Pique më ndihmoi shumë sepse anglishtja e tij është perfekte. Gjithashtu u argëtova shumë me Alban.
Sigurisht, shkoj mirë me De Jong dhe Dest, sepse i kam njohur më parë. Ka një klimë të mirë në dhomat e zhveshjes. Messi? Nuk arrita ta njoh. Ai mbërriti me vonesë në Spanjë, pasi ishte me pushime për shkak Kupës së Amerikës. Nuk munda t’i them lamtumirë “.
