Sporti shqiptar në zi. Ditën e hënë është njoftuar ndarja nga jeta e basketbollistit të njohur durrsak Petraq Jorgoni në moshën 81-vjeçare.
Jorgoni kaloi pjesën më të madhe të karrierë tek skuadra e Lokomotivës së Durrësit në vitet 1958-1968, ndërsa është aktivizuar dhe me Dinamos e Studentin.
Lajmi u bë i ditur nga faqja e Goga Basket në ‘Facebook’ duke i shprehur ngushëllime familjes së Petraq Jorgonit për ndarjen nga jeta të njeriut të tyre të shtrenjtë.
Postimi i ‘Goga Basket’
Me hidhërim mësuam se është ndarë nga jeta, në moshën 81 vjeçare, ish basketbollisti i Lokomotivës së Durrësit, Z. Petraq Jorgoni.
Taçi ka luajtur basketboll ne vitet 1958-1968 ku gjithashtu ka luajtur dhe me skuadrat e Dinamos dhe Studentit. Ai ishte një nga sportdashësit më të dashur të Akademisë.
I shprehim ngushëllimet më të sinqerta familjes për humbjen e tij.
Foto: skuadra Lokomotiva, numri 5.
