Shumë fat i keq te Real Madrid për Gareth Bale.
Sulmuesi i krahut, jashtë për shkak dëmtimi javën e kaluar, rrezikon një ndalesë të gjatë.
Sipas AS, uellsiani mund të qëndrojë larg fushave për dy muaj. 32-vjeçari ka pësuar një dëmtim në gjurin e djathtë në stërvitjen e 11 shtatorit.
Një problem që e ka detyruar të mungojë në ndeshjen e javës së kaluar në kampionat dhe atë të Champions League kundër Inter-it.
Sipas shtypit spanjoll, Bale mund të humbasë deri në 14 ndeshje: dy të kaluara dhe më pas ndeshjet e ardhshme kundër Valencia, Mallorca, Villarreal, Sheriff, Espanyol, Athletic, Shakhtar (dy herë), Barcelona, Osasuna, Elche dhe Rayo Vallecano.
Në këtë sezon, Bale ka arritur të luajë 3 ndeshje në La Liga, duke shënuar edhe një gol.
