Ylli i NBA-së, Stephen Curry, mendon se ai dhe superylli i Barcelonës, Lionel Messi, ndajnë në aspektin e cilësive të krijimtarisë gjeniale në sportet e tyre përkatëse.
Në një intervistë për Daily Mail, Curry ka thënë se ai dhe Messi sjellin kreativitet dhe shpikje të ngjashme në sport.
“Mendoj se ajo çka ai bën është krijimtari gjeniale dhe dhunti, por po ashtu ekziston edhe një aspekt thelbësor në dhuntinë e tij.
Mendoj se ka goxha krahasime, vërtet, për kreativitetin dhe shpikjet që ne i sjellim në sportet tona përkatëse dhe përpjekjet për të ndikuar në gjeneratat tjera”, ka theksuar Curry.
