Lakers korrën dy ditë më parë një fitore fantastike në fushën e Brooklyn, skuadrës kryesuese në Konferencën e Lindjes. Gjithsesi, lajmet më të mira për ekipin kalifornian vijnë nga infermieria, ku ndodhen yjet e kësaj skuadre.
Sipas mediave amerikane, Anthony Davis pritet të rikthehet në fushë psa dy javësh, duke qenë gati për fundin e sezonit të rregullt. Lajm ky që konfirmohet edhe nga stafi mjekësor i Lakers, pas kontrollit të fundit mjekësor që iu bë lojtarit.
Ndërsa LeBron James pritet të rikthehet në fushë pas 3 javësh. Kjo do të thotë që skuadra pritet të kompletohet me të gjithë lojtarët e saj titullarë brenda prillit.
Mungesa e këtyre dy lojtarëve apo edhe Andre Drummond, bëri që skuadra kaliforniane të kalojë një moment jo të mirë në kampionat, duke zbritur në vendin e pestë në renditje.
