Dita e sotme është e veçantë për shqiptarët pasi Florian Marku ka mundësinë e artë të fitojë titull botëror në boks me flamurin kuqezi mbi shpatulla.
Marku do të ndeshet me boksierin ukrainas Maksim Prodan i cili mban aktualisht titullin e IBF në peshat e mesme. Boksieri shqiptar ka mbërritur në arenën ku do të mbahet eventi pak orë para duelit duke ndezur rrjetet sociale me disa foto nga çasti i zbarkimit në stadiumin e Totenhemit
“Mbreti shqiptar ka arritur”, shkruan në Instagram “Matchroomboxing”, faqe e dedikuar vetëm boksit. Postimi ka marrë qindra komente, duke treguar dhe mbështetjen e madhe që do të ketë Florian Marku mbrëmjen e sotme.
