Milani ndryshon programin pas humbjes turpëruese ndaj Veronës. Skuadra kuqezi do të qëndrojë e grumbulluar për ndeshjen e radhës me Atalantën, që do të zhvillohet në “San Siro”.
Për rrjedhojë, është anuluar mbrëmja festive e Krishtlindjes, e programuar fillimisht për këtë të martë, ku do të merrnin pjesë të gjithë futbollistët dhe pjesëtarët e stafit bashkë me familjet e tyre.
Vendimi është marrë nga Mirabelli dhe Fassone, ndoshta edhe si formë ndëshkimi për rezultatet e dobëta të javëve të fundit. Ekipi do të qëndrojë në Milanello deri në përfundim të sfidës së fundit të vitit me bergamaskët, për javën e 18-të të Serisë A.
Ky ndryshim programi konfirmon klimën aspak positive që mbizotëron në kampin kuqezi, pas humbjes në transfertën veroneze.
