Mesfushori i Egnatias, Majkëll Agbekpornu u dëmtua në sfidën ndaj Kastriotit tre javë më parë duke humbur kështu dhe sfidën me Laçin.
Por ditën e sotme, ganezi i është nënshtruar një operacioni në gju i cili ka dalë me sukses. 23-vjeçari ishte titullar fiks për rrogozhinasit deri në momentin e dëmtimit duke lënë një boshllëk të madh për skemat e Maganit.
Vetë klubi ka postuar një foto të Agbekpornu që shikohet i shtrirë në karrocë me gjurin e fashuar. 23-vjeçari pritet t’i mungojë Egnatias për 1 muaj duke humbur fazën më kulmore të kampionatit, aty ku rrogozhinasit po i surprizojnë të gjithë me 8 pikë të grumbulluara pas 5 javësh.
