Nga skena e asamblesë së klubit bavarez e mbajtur të enjten në Mynih, ish-kapiteni dhe CEO i ri i Bajernit foli për Superligën e cila sipas tij dështoi pa nisur ende.
“Po përjetojmë ndryshimin më të madh në futboll. Ndaj jemi duke punuar dhe luftuar për të siguruar partnerë të fuqishëm për të sjellë para në klub’, tha Kahn. Më pas erdhën dhe fjalë në drejtim të klubit bardhezi, i cili drejtohet nga Andrea Anjeli, një prej ideatorëve kryesorë të Superligës.
“Pandemia ka ndryshuar shumë gjëra dhe mendoj që të gjithë janë prekur nga ajo. Projekti i Superligës dështoi në 48 orë. Do të kishte qenë fundi i futbollit që njohim dhe dashurojmë kaq shumë”, tha CEO i kampionëve të Gjermanisë në asamblenë vjetore të mbajtur në Mynih.
