Presidenti i Shoqatës Italiane të Mjekëve të Futbollit, Enrico Castellacci, i është bashkuar alarmit të dhënë nga trajnerë të ndryshëm të botës së futbollit në lidhje me kalendarin e ngjeshur dhe sforcimet e shumë që kërkohen nga lojtarët në këtë periudhë, edhe duke marrë parasysh emergjencën e krijuar nga pandemia.
“Thirrja e Guardiola-s për shëndetin e futbollistëve? Ky është një refren që përsëritet, ne mjekët e futbollit kemi muaj që themi të njëjtën gjë”, ka thënë Castellacci për Radio Rai.
“Mund të bëhen të gjitha thirrjet e botës, por ne shikojmë që ndeshjet shtohen gjithmonë e më shumë. Fiziku i lojtarëve nuk mund ta përballojë dhe dëmtimet shtohen. Ose ndryshon mentaliteti ose duhet të shtohet numri i lojtarëve në ekip, por e dimë se trajnerët aktivizojnë gjithmonë më të fortët”.
