Karim Benzema po bën një sezon të jashtëzakonshëm me Real Madrid.
Për të ka folur edhe Marcel Desailly, ish-mbrojtësi i Francës dhe Milan-it.
“Benzema ka ditur të vihet në provë pas lamtumirës së Cristiano Ronaldo-s, pasi u vu në dispozicion të portigezit gjatë kohës që luanin bashkë. Ka treguar rregullisht se është më i mirë se lojtarë si Higuain ose Morata, në fund ka qëndruar ai”, ka thënë Desailly.
“Florentino Perez ka patur besim tek ai dhe në disa statistika e ka kaluar Ronaldo-n, idhullin e tij. Është e pabesueshme ajo që po bën, edhe pse meritat e tij nuk vlerësohen si duhet”.
Benzema ka prekur kuotën e 300 golave me Real Madrid, duke u klasifikuar mes katër golashënuesve më të mirë të historisë së klubit. Një pozicion që mund të përmirësohet akoma. Podiumi është objektivi i radhës…
