Skuadra e Sauthampton është e interesuar të nënshkruajë me Armando Brojën nga Çelsi, por po përballet me konkurrencë nga klubet e tjera angleze.
‘Shenjtorët’ janë të vetëdijshëm për interesimin e klubeve të tjera pas paraqitjeve mbresëlënëse të kohëve të fundit për sulmuesin 20-vjeçar.
Një varg klubesh të Ligës Premier duan të nënshkruajnë me sulmuesin e ri këtë muaj, shkruan SkySports. Një burim brenda klubit të Çelsit, i ka thënë këtij mediumi se klubet e interesuara tashmë kanë pyetur se sa do të kushtojë blerja e Brojës brenda këtë muaji.
Por duket se Çelsi po shqyrton që ta mbajë Brojën, i cili së fundmi ka nënshkruar kontratë me klubin nga “Stamford Bridge”. Madje Blutë e Londrës mund ta përmirësojnë kontratën e tij.
