“DV7… Nëse Morata vijon të luajë me Juventusin, Vlahovic mund të marrë fanellën me numrin 7, atë të Ronaldos”, – shkruan sot “Tuttosport”. Dusan Vlahovic nuk është ende zyrtarisht një lojtar i ri i “Zonjës së Vjetër”, por mungon vetëm firma mbi kontratë dhe prezantimi.
Në qarqet e bardhezinjve nuk përjashtohet apriori mundësia që t’i besohet 7-ta, që ishte e Cristiano Ronaldos deri pak muaj më parë. Shumë do të varet edhe nga e ardhmja e Morata, i cili ka fanellën me numrin 9 (atë që pëlqen serbi dhe e ka mbajtur te Fiorentina). Nëse spanjolli duhet të qëndrojë, me siguri do të kemi DV7 te Juventusi.
